تحية لجمهور الوداد : الحرية لي بغينا

بصوت الشعب لي مقموع * بصوت الناس المهمومة

جاي نغني جاي نقول * جاي نكلاشي الحكومة
فالطغيان فاتو لحدود * بالماطراك ضربونا
ليبيرتا بابها مسدود * فالفيراج را خنقونا
شاك بارتي كي نكراكي * الكاميرا فيا فيزي
كاكولي مضرك وجهي * لا تصوارني الديستي
وانا جاي نسيبورتي * قولولي وشنو ذنبي
آب كوبس آل باسطاردوس * بوليسي هاكا ز***
"الحرياااااا لي بغينا يا ربي* الحرياااااا تفاجي ليا قلبي"
"الحرياااااا لي بغينا يا ربي* الحرياااااا تفاجي ليا قلبي"
قالو علينا دراري صغار * ما نفهموش العقلية
بغاونا نكونو إسكلاف * و نرضاو بالوضعية
كورفا نور ألي كوراج * ما نسمحوش فالقضية
واخا رماوني مورا الكاج * جامي نزل إيديا
فكل دولة فكل مكان * درابو لبلاد فيديا
فالعقلية هوليكانز * لي وينرز تسمينا
حمرا وبيضا مي باسيون * معاها نديرو لي علينا
نطلبو العالي مول الكون * الحرية را حنا بغينا
"الحرياااااا لي بغينا يا ربي* الحرياااااا تفاجي ليا قلبي"
"الحرياااااا لي بغينا يا ربي* الحرياااااا تفاجي ليا قلبي"

مشجعوا فريق الوداد البيضاوي

تحية لجمهور الوداد من مشجع رجاوي كنت اتمنى ان اسمع اناشيد تتغنى بالحرية ايضا باسم فرقي المفضل الرجاء  فجمهور الوداد وجمهور الرجاء وكافة الجماهير    تعاني من نفس القمع  ونفس العنف عنف يمس الكرامة يمس القدرة الشرائية يمس  التضييق على الحريات